Во Пакистан е направена реплика на Cybertruck на Tesla. Сепак оваа копија изгледа навистина смешно, но сепак не треба да се потцени трудот кој го вложиле пакистанците.
Возилото наводно чинело 3 милиони рупии, што во превод значи 10 000 евра. Направено било за неименуван клиент кој по секоја цена сакал да има нешто слично на Cybertruck. Секако тој е поефтин од оригиналот за дури 70 000 евра, но сепак и 10 000 евра е многу за сиромашниот Пакистан.
Оваа верзија е значително помала од оригиналот Cybertruck, пониска и пред се потесна.
Сепак, не смее, а да не се пофали работата на мајсторите. Исто како и оригиналот, автомобилот има предни и задни LED светлосни ленти, како и многу „украси“ кои се верно копирани од оригиналот.
Деталите околу се останато, не се познати, но според фотографијата и актуелната ситуација во Пакистан, сигурно се работи за мотор со внатрешно согорување, а не електричен.
