Во Париз беше претставен моделот на Citroen. Бројни новитети посветени на тоа да се обезбеди прифатлива електрична мобилност.
Јавноста за прв пат имаше можност да го види моделот C3 и неговата верзија C3 Aircross, а интересот е огромен. Хечбекот е популарен поради својата компактност и удобност, и нуди економичност во потрошувачката на гориво. C3 е достапен со бензински или електричен мотор, додека C3 Aircross нуди модерен и ексклузивен дизајн, како и удобност во ентериерот за седум лица.
Имено, визионерски се најавува идниот нов C5 Aircross, кој со својот енергичен и живописен настап ќе воодушеви многу купувачи. Серискиот модел, кој ќе биде 95% идентичен на концептот, ќе биде достапен на пазарот идната година. Тој може да користи бензински, хибридни, дизел или електрични погонски групи и е направен на STLA Medium архитектурата. Со должина од 4,65 метри, е за 15 сантиметри подолг од сегашната генерација на Citroen.