Финскиот производител на гуми Nokian Tyres најавува револуционерен чекор во технологијата на пневматици – паметни гуми кои се приспособуваат на различни услови на патот.
Овие иновативни паметни гуми, предвидено е да станат достапни до 2035 година. Ветуваат повисоко ниво на безбедност, ефикасност и перформанси.
Како функционираат паметните гуми?
Паметните гуми се опремени со сензори кои преку Bluetooth технологија, пренесуваат податоци за температурата и притисокот на воздухот. Според Тему Соини, потпреседател на иновации во Nokian Tyres, целта е овие сензори да овозможат гуми кои во реално време ќе го менуваат својот газен слој за оптимални перформанси. Замислете да возите по автопат, каде гумите ја оптимизираат потрошувачката на гориво, а при премин на неасфалтиран терен, автоматски го менуваат својот газен слој за подобра тракција и стабилност.
Предности на возачите
Зголемена безбедност: гумите ќе се адаптираат на снежни, калливи, дождливи или суви услови.
Подобрени перформанси: оптимално ракување и сопирање во секоја ситуација. Економичност: намалено трошење и помала потрошувачка на гориво
Следење во реално време: сензорите ќе известуваат за состојбата на гумите
Технолошки предизвици и иднина
Иако технологијата веќе овозможува интеграција на сензори, најголемиот предизвик е развој на механизам за автоматско менување на газниот слој. Соини ветува дека до 2035 година, оваа визија ќе стане реалност. Паметните гуми ќе донесат револуција во автомобилизмот и ќе понудат ново ниво на удобност и безбедност. Можеби ова се чини како научна фантастика, ама наскоро може да стане секојдневие на патиштата.