Повеќе од 20 нови модели ќе бидат лансирани од Audi и тоа само во 2024 и 2025 година. Медиумите пренесуваат дека над десет од нив ќе бидат целосно електрични.
Гернот Долнер, извршниот директор зборува за лансирањето на моделот и го открива првиот изглед на новиот Audi A5.
Портфолио за иднината
„Во текот на следните години чекор по чекор ќе ја прошириме нашата палета на електрични модели. Во исто време, ќе го подмладиме нашето портфолио на модели со мотори со внатрешно согорување. Ова ќе ни даде робусна и флексибилна позиција додека преминуваме кон целосно електрично портфолио“.
Лансирања на моделот
Ќе се претстави следното семејство на модели: Audi A5, A6 e-tron , а и новиот Q5 кое ќе биде претставено на есен.
Audi A5 – Современ спортски карактер и извонредни пропорции
„Новото семејство Ауди А5 ќе ја прослави својата светска премиера на 16 јули (денес) и ќе го означи почетокот на следната генерација на мотори со внатрешно согорување, кои ќе бидат поефикасни благодарение на делумно електричното возење.